El Santo Padre Francisco al Mons. Santiago Agrelo Martínez con el motivo de sus Bodas del Oro de la Ordenación Sacerdotal.
Con el motivo de las Bodas de Oro de Mons. Santiago Agrelo Martínez, el Santo Padre Francisco dirige la carta personal de agradecimiento por los 50 años del sacerdocio de nuestro obispo Santiago. La carta está escrita en latín:
Venerabili Fratri
IACOBO AGRELO MARTÍNEZ, O.F.M. Archiepiscopo Tingitano
Ad te, Venerabilis Frater, proximo mense Augusto feliciter celebraturum quinquagesimum Sacerdotii tui annlr.m, has Litteras ex corde mittimus, ut tibi festivos animi Nostri senslls aperiamus, omne faustum bonumque precantes.
Et quoniam probe novimus te in sacri ministerii perfunctione debita diligentia esse operatum, hac oblata occasione cupimus de peractis laboribus tibi gratulari ac praecipua apostolatus tui momenta reminisci.
Iuvenis, ad Chrísti sequelam te sentiens vocari, Ordinem Fratrum Minorum es ingressus ac studiorum peractis curriculis, anno MCMLXVI ordinatus es sacerdos in religiosa Provincia Sancti Iacobi de Compostella. Dein haud paucos annos et hic Romae et postea apud Institutum Theologicum Compostellanum professor Liturgiae fuisti dum interea varia munia obiisti in tua Provincia religiosa.
Anno MMVII ob tuas claras animi ingeniique dotes necnon renrm ecclesialium peritiam a Summo Pontifice Benedicto XVI, proximo Decessore Nostro, nominatus es Archiepiscopus Tingitanus in Marochio ubi adhuc Pastoris munia diligenter geris.
Probe enim novimus te curam habere de pauperibus egenisque et esse ornatum dotibus etiam, culturalibus, theologicis et homileticis, quae antea aestimabantur a communitatibus religiosis praesertim pro exercitationibus spiritualibus.
Insuper, prudens ac fidelis semper Ecclesiae et Romano Pontifici, sollicitus adlaboras ut fideles tibi crediti, vocationis suae conscii, in fide, spe et caritate crescant simulque sequantur christum, Magistrum divinum, eiusque testificentur, praesertim exemplo, Evangelium. Tam iucundum igitur Sacerdotii tui eventum recolens, Venerabilis Frater, spirituali gaudio in Deo exsulta, promens hoc laudis canticlrm: «In te, Domine, speraui, non confundar in aeternum…Domine, spes mea a iuuentute mea» (Ps 71, 1.5).
Christus, summu.s et aeternus Sacerdos, deprecante Beata Maria Virgine et intercedente Sancto Francisco Assisiensi, te benemeritum Pastorem Sua gratia custodiat, foveat, protegat in longitudinem dierum.
Caelestium denique munerum nuntia et conciliatorio peculiarique caritatis Nostrae testis esto Apostolica Benedictio, quam tibi, venerabilis Frater, carissimae communitati tuae et omnibus quos caros habes, de hac beati Petri Sede memores in Domino impertimur, petentes preces vestras pro Nobis et Nostro Petrino Ministerio.
Paracliti Spiritus dona maneant semper in cordibus Vestris, carissimi Nobis Filii!
Ex Aedibus Vaticanis, die XXI mensis Iulii, anno MMXVI, Iubilaeo Misericordiae, Pontificatus Nostri quarto.
